कर्नाटकमध्ये भगवे उपरणे घातल्यामुळे धर्मांध विद्यार्थ्यांकडून मारहाण झाल्याने विद्यार्थ्याचा आत्महत्येचा प्रयत्न
याला उत्तरदायी असणार्यांवर राज्यातील भाजप सरकारने कठोर कारवाई करून त्यांना शिक्षा होण्यासाठी प्रयत्न केला पाहिजे, असेच हिंदूंना वाटते ! – संपादक
मडिकेरी (कर्नाटक) – कोडागु जिल्ह्यातील कुशलनगर येथील सरकारी पॉलिटेक्निकच्या प्रथम वर्षाचा विद्यार्थी असलेल्या अँटनी प्रज्वल (वय १८ वर्षे) या विद्यार्थ्याने विष प्राशन करून आत्महत्या करण्याचा प्रयत्न केला. हिजाबच्या मागणीला विरोध करण्यासाठी अँटनी याने भगवे उपरणे घातल्यामुळे त्याला अल्पसंख्यांक विद्यार्थ्यांच्या वसतीगृहात अन्य विद्यार्थ्यांकडून मारहाण करण्यात आल्याने त्याने आत्महत्येचा प्रयत्न केला. त्याने स्वतःच याची माहिती त्यांच्या मित्रांना दूरभाष करून दिल्यानंतर मित्रांनी त्याला रुग्णालयात भरती केले. याप्रकरणी कुशलनगर पोलीस अधिक तपास करत आहेत.