वर्ष २०१८ ते २०२० या कालावधीत देशात २५ सहस्रांहून अधिक नागरिकांनी आत्महत्या केल्या ! – केंद्र सरकार
आत्महत्येमागे बेरोजगारी आणि कर्जबाजारीपणा ही दोन मुख्य कारणे
|
नवी देहली – देशात वर्ष २०१८ ते २०२० या ३ वर्षांत बेरोजगारीमुळे ९ सहस्र १४० तर, कर्जबाजारीपणामुळे १६ सहस्र ९१, अशा एकूण २५ सहस्र २३१ लोकांनी आत्महत्या केल्याची माहिती केंद्रीय गृहराज्यमंत्री नित्यानंद राय यांनी राज्यसभेत लेखी प्रश्‍नाच्या उत्तरात दिली. राष्ट्रीय गुन्हे नोंदणी विभागाने दिलेल्या आकडेवारीच्या आधारे त्यांनी ही माहिती दिली.
Over 16,000 people committed suicide due to bankruptcy or indebtedness while 9,140 people ended their lives due to unemployment between 2018 and 2020, the Ministry of Home Affairs informed the #RajyaSabha.https://t.co/0iAu3pYGBm
— The Hindu (@the_hindu) February 10, 2022
१. बेरोजगारीमुळे आत्महत्यांचे प्रमाण हळूहळू वाढत गेले असून कोरोनाच्या काळात वर्ष २०२० मध्ये ते सर्वाधिक, म्हणजे ३ सहस्र ५४८ इतके होते. वर्ष २०१८ मध्ये २ सहस्र ७४१ जणांनी, तर २०१९ मध्ये २ सहस्र ८५१ जणांनी आत्महत्या केली.
२. कर्जबाजारीपणा किंवा दिवाळखोरी यांमुळे वर्ष २०१८ मध्ये ४ सहस्र ९७०, वर्ष २०१९ मध्ये ५ सहस्र ९०८ जणांनी आत्महत्या केली. वर्ष २०२० मध्ये ही संख्या ६०० ने अल्प झाली. या काळात ५ सहस्र २१३ जणांनी मृत्यूला कवटाळले.
३. नित्यानंद राय म्हणाले की, केंद्र सरकार ‘राष्ट्रीय मानसिक आरोग्य कार्यक्रम’ राबवत असून त्याद्वारे देशातील ६९२ जिल्ह्यांमध्ये जिल्हा मानसिक आरोग्य कार्यक्रमाला साह्य करत आहे. मानसिक आरोग्य सुधारणा कार्यक्रम आणि रोजगाराच्या नव्या संधी उपलब्ध करून आत्महत्या रोखण्याचा केंद्र सरकार प्रयत्न करत आहे.