भांबराजा (यवतमाळ) येथील शिवसेनेचे माजी सरपंच सुनील डिवरे यांची हत्या !
यवतमाळ, ६ फेब्रुवारी (वार्ता.) – शहरापासून जवळच असलेल्या भांबराजा येथील शिवसेनेचे माजी सरपंच, तसेच यवतमाळ कृषी उत्पन्न बाजार समितीचे संचालक सुनील डिवरे यांच्यावर ३ फेब्रुवारी या दिवशी गोळ्या झाडून नंतर कुर्‍हाडीने वार करून त्यांची हत्या करण्यात आली, तर मृतक सुनीलच्या पत्नी सरपंच अनुप्रिया यांनाही मारहाणीत कुर्‍हाड पायाला लागल्याने त्या घायाळ झाल्या, तर मुलगा रुद्र या वेळी पळाल्यामुळे त्याचा जीव वाचला. या घटनमुळे शिवसैनिकांनी प्रचंड रोष व्यक्त करून गावातून जाणार्‍या नागपूर-तुळजापूर महामार्गावर रास्ता बंद आंदोलन केले.
या प्रकरणी गावातील ४ जणांना अटक करण्यात आली आहे. आगामी जिल्हा परिषद, पंचायत समिती आणि सहकाराच्या निवडणुका डोळ्यांसमोर ठेवून ही हत्या पूर्ववैमनस्यातून केल्याचा आरोप शिवसेनेचे माजी मंत्री संजय राठोड यांनी केला आहे.