(म्हणे) ‘संरक्षणमंत्री राजनाथ सिंह यांना कोरोनाची लागण झाल्याचा परिणाम भारतीय सैनिकांच्या मनावर होईल !’
चीनच्या साम्यवादी सरकारचे मुखपत्र ‘दी ग्लोबल टाईम्स’चे संतापजनक वक्तव्य
|
नवी देहली – भारताचे संरक्षणमंत्री राजनाथ सिंह यांना कोरोनाचा संसर्ग झाल्यामुळे चीन सरकारचे अधिकृत मुखपत्र ‘दी ग्लोबल टाइम्स’ने त्यावर वक्तव्य केले आहे. वृत्तपत्राने म्हटले आहे, ‘सिंह यांना कोरोनाचा संसर्ग झाल्याचा परिणाम भारत-चीन सीमेवर तैनात असलेल्या भारतीय सैनिकांच्या मनावर होईल.’
Indian Defence Minister #RajnathSingh tested positive for #COVID19 with mild symptoms, he tweeted on Monday, days before #China and #India are reportedly to hold the 14th round of military talks scheduled for Wednesday. https://t.co/kLDYBOp7K5
— Global Times (@globaltimesnews) January 10, 2022
सिंघुआ विश्‍वविद्यालयातील एका महाविद्यालयाचे निर्देशक कियान फेंग यांच्या हवाल्याने ग्लोबल टाइम्स ने लिहिले आहे, ‘भारताच्या अशा उच्चपदस्थ व्यक्तीला संसर्ग होणे यातून कोरोना महामारीची लाट आता केवळ भारतीय नागरिकच नव्हे, तर त्यांच्या सैनिकांवर मोठ्या प्रमाणावर परिणाम करत आहे, हे दिसून येते. विषाणूच्या प्रसारणावर अटकाव घालण्यासाठी सीमेवर सैनिकांची संख्या अल्प करावी लागेल. त्यामुळे सीमेवर अल्प संख्येने असलेल्या सैनिकांच्या मनावर दबाव निर्माण होईल.’ (भारताने सीमावरील सैन्य माघारी बोलवावे, यासाठी चीन कशा प्रकारे बनाव करत आहे, हे यातून दिसून येते. अशा चीनच्या वक्तव्यांना भारतीय भूलणार नाहीत ! – संपादक)