आजपासून इयत्ता दहावी ते बारावीपर्यंतचे वर्ग २६ जानेवारीपर्यंत ‘ऑनलाईन’ ! – डॉ. शेखर साळकर, जलद कृती समिती

परीक्षा ‘ऑफलाईन’ घेणार !

पणजी – ४ जानेवारीपासून २६ जानेवारीपर्यंत शाळांमधील प्रत्यक्ष शिकवणीवर्ग रहित करण्याचा निर्णय सरकारने घेतला आहे. दहावी, अकरावी आणि बारावी या इयत्तांच्या विद्यार्थ्यांना कोरोनाची लस देण्यात येत असल्याने त्यांना आपापल्या शाळेत उपस्थित रहावे लागणार आहे; मात्र लस घेतल्यानंतर ते घरी थांबू शकतात आणि घरूनच ‘ऑनलाईन’ वर्गांना उपस्थित राहू शकतात, असे जलद कृती समितीचे सदस्य डॉ. शेखर साळकर यांनी सांगितले. कोरोना महामारीविषयी सरकारला योग्य निर्णय घेण्याच्या दृष्टीने सल्ला देण्यासाठी स्थापन करण्यात आलेल्या जलद कृती समितीच्या (टास्क फोर्स) बैठकीनंतर डॉ. साळकर पत्रकारांशी बोलत होते. परीक्षा मात्र ‘ऑफलाईन’ घेण्यात येणार आहे. याविषयीची मार्गदर्शक तत्त्वे सरकार आज किंवा उद्या प्रसिद्ध करणार आहे, असे ते पुढे म्हणाले.

Goa | After the meeting of the COVID Task Force, it has been decided to close physical sessions for classes 8 & 9 till Jan 26. Students of classes 10 to 12 have to come only for the vaccination. Colleges will also remain closed till Jan 26: Dr Shekhar Salkar, member of Task Force pic.twitter.com/dAO5l3D1Nd

— ANI (@ANI) January 3, 2022

‘जलद कृती दला’कडून रात्रीच्या संचारबंदीची शिफारस

गोव्यात २६ जानेवारीपर्यंत रात्री ११ ते सकाळी ६ पर्यंत ‘नाईट कर्फ्यू’ (रात्रीची संचारबंदी) लागू करण्याची शिफारस जलद कृती दलाने (टास्क फोर्स) सरकारला केली आहे.

(सौजन्य : ANI News)

बंद सभागृहांमधील कार्यक्रमांवर कठोर निर्बंध लादण्यात येणार आहेत, तर खुल्या जागेतील कार्यक्रमांवर अल्प निर्बंध असेल, असे डॉ. साळकर यांनी सांगितले. सध्या प्रतिसप्ताह कोरोनाच्या संसर्गाचे प्रमाण ५.६ टक्के एवढे आहे आणि ही स्थिती पूर्णपणे नियंत्रणात आहे. पुढच्या सप्ताहातील कोरोना संसर्गाची आकडेवारी निर्णायक ठरणार आहे, असे डॉ. साळकर यांनी सांगितले.