चीन नेपाळच्या लुंबिनी शहरापर्यंत रेल्वे आणि रस्ते मार्ग बनवणार !
|
काठमांडू (नेपाळ) – चीनकडून नेपाळच्या लुंबिनीपर्यंत रेल्वेमार्ग आणि रस्तेमार्ग बनवण्यात येणार असल्याची घोषणा चीनचे परराष्ट्रमंत्री वांग यी यांनी केली आहे.
‘रस्तेमार्ग आणि रेल्वेमार्ग यांच्यामुळे सगळ्या बाजूंनी पर्वतांनी घेरलेल्या नेपाळचा जगाशी संपर्क वाढू शकेल’, असा दावा वांग यी यांनी केला आहे. लुंबिनी हा प्रदेश नेपाळच्या दक्षिण भागात नेपाळ आणि भारत सीमेलगत स्थित आहे. भारताच्या उत्तरप्रदेशातील गोरखपूर शहरापासून हा भूभाग ९५ किमी अंतरावर स्थित आहे. दुसरीकडे म्यानमारमध्येही चीनकडून हिंद महासागरापर्यंत रेल्वेमार्ग सिद्ध करण्यात येत आहे.
चीन का ये प्रोजेक्ट बना भारत के लिए टेंशन, जानें क्या है ड्रैगन की मंशा ! #China | #LAC | #XiJinping | #India https://t.co/FiAj8e3dPG
— Zee News (@ZeeNews) December 15, 2021
‘साऊथ चायना मॉर्निंग पोस्ट’च्या वृत्तानुसार, ८०० कोटी डॉलर (६ लाख ८४९ कोटी रुपये) खर्च करून दक्षिण तिबेट ते काठमांडू पर्यंत चीनच्या सीमेपलीकडे रेल्वे बनवण्याची चीनची योजना आहे. यामुळे नेपाळच्या अर्थव्यवस्थेला लाभ होणार असला, तरी चीनच्या साहाय्याच्या ओझ्याखाली मात्र या देशाला दबून रहावे लागेल, हे निश्‍चित.