बेळगाव शहरात सलग २ दिवसांत २ मंदिरांमध्ये चोरी !

बेळगाव – ५ डिसेंबर या दिवशी गांधीनगर येथील शांतीनाथ दिगंबर जैन वस्तीतील श्री पद्मावती आणि श्री ज्वालामालिनी या देवींच्या सोन्याच्या मूर्तींसह अन्य मूर्ती मिळून ६ लाख रुपयांच्या मूर्ती चोरण्यात आल्या. यानंतर ६ डिसेंबर या दिवशी पांगुळ गल्लीतील ऐतिहासिक अश्वत्थामा मंदिरातील ४ लाख रुपये मूल्याचा चांदीचा मुकूट चोरून नेल्याची घटना उघडकीस आली आहे. यामुळे बेळगाव शहरात सलग२ दिवसांत २ मंदिरांमध्ये चोरीच्या घटना घडल्या असून पोलीस आयुक्तालयाच्या हद्दीत एका आठवड्यात २० हून अधिक चोरीच्या घटना घडल्या आहेत. त्यामुळे चोरीचा छडा तातडीने लावावा, अशी मागणी नागरिकांकडून होत आहे.