सातारा-स्वारगेट खासगी शिवशाही बससेवा चालू !

सातारा, २६ नोव्हेंबर (वार्ता.) – अजूनही राज्य परिवहन महामंडळाच्या कर्मचार्‍यांचे ‘काम बंद’ आंदोलन चालू आहे. त्यामुळे प्रवाशांना पुष्कळ त्रास सहन करावा लागत आहे. प्रवाशांच्या सोयीसाठी आपण खासगी शिवशाही बस चालू केल्या आहेत, अशी माहिती सातारा आगार व्यवस्थापक रेश्मा गाडेकर यांनी दिली आहे.

रेश्मा गाडेकर यांनी सांगितले की, शिवशाही बस प्रतिदिन सकाळी ६ ते सायंकाळी ५ या कालावधीत सातारा आगारातून सोडल्या जातील. या सेवेचा अधिकाधिक प्रवाशांनी लाभ घ्यावा.