कुटुंबियांचीही साधनेत अद्वितीय प्रगती करवून घेणारे एकमेवाद्वितीय प.पू. बाळाजी (प.पू. दादा) आठवले ! (परात्पर गुरु डॉ. आठवले यांचे वडील)

सूक्ष्मातील प्रयोग

प.पू. दादा यांच्या छायाचित्राकडे पाहून मनाला काय जाणवते, याचा अभ्यास करा !

‘वरील लेखात प.पू. दादांची बुद्धीगम्य माहिती दिली आहे. येथे प.पू. दादांचे छायाचित्र १ छापले आहे. त्याच्याकडे पाहून ‘मनाला काय जाणवते ?’, याचा जिज्ञासूंनी अभ्यास करावा.

हे छायाचित्र पाहून सनातनच्या साधकांना जाणवलेली वैशिष्ट्ये येथे दिली आहेत. ती वाचल्यावर ‘जिज्ञासूंना आणि सनातनच्या साधकांना काय जाणवले ?’, याची तुलना करता येईल. असे जाणवण्याला ‘बुद्धीअगम्य माहिती’ म्हणतात. साधनेने जेवढी प्रगती होते, तेवढे जाणवणे अचूक होत जाते. या जाणवण्याची भाषा प्रत्येकाच्या साधनामार्गानुसार निराळी असते.’ (खंड ३)

१. सनातनच्या साधकांना प.पू. दादांच्या छायाचित्राची जाणवलेली वैशिष्ट्ये : ‘प.पू. दादांच्या छायाचित्राकडे पाहून भाव जागृत झाला. ‘त्यांचे डोळे करुणाभावाने ओथंबलेले आहेत’, असे मला जाणवले; म्हणून सनातनच्या रामनाथी (गोवा) आणि देवद (पनवेल) आश्रमांतील साधकांकडून ‘त्या छायाचित्राकडे पाहून काय जाणवते ?’, असा प्रयोग करून घेण्यात आला. तेव्हा साधकांना ते कुणाचे छायाचित्र आहे, हे ठाऊक नव्हते. छायाचित्र पाहून साधकांना जाणवलेली सूत्रे आणि आलेल्या अनुभूती येथे दिल्या आहेत. त्यावरून ‘बर्‍याच साधकांना चांगले परीक्षण करता येते’, हे लक्षात येईल.’

– (परात्पर गुरु) डॉ. जयंत आठवले (१०.४.२०१३)

१ अ. मनोदेहाला आलेल्या अनुभूती (नामजप चालू होणे) : ‘छायाचित्र हातात घेतल्यावर माझा नामजप एका लयीत चालू झाला.’ – कु. दीपाली मतकर, सौ. पाध्ये आणि श्रीमती सुनीता चितळे

१ आ. सूक्ष्म-ज्ञानेंद्रियांना आलेल्या अनुभूती

१. पृथ्वीतत्त्वाची अनुभूती (सुगंध येणे) : ‘छायाचित्र हातांत घेतल्यावर अष्टगंधाचा सुगंध आला आणि छायाचित्र हातांत असेपर्यंत तो येत होता. असे दोन वेळा झाले.’ – श्री. धैवत वाघमारे

२. तेजतत्त्वाची अनुभूती (छायाचित्र सजीव वाटणे) : ‘छायाचित्राकडे पाहिल्यावर त्यात जिवंतपणा जाणवला.’ – सौ. मानसी सहस्रबुद्धे, श्री. आनंद जाखोटिया आणि श्री. भरत मिरजे

३. वायुतत्त्वाची अनुभूती (थंडावा जाणवणे) : ‘छायाचित्र हातात घेतल्यावर देहात पुष्कळ थंड वाटले आणि हातही थंड झाले.’ – कु. दीपाली मतकर

१ इ. जीवात्म्याला आलेल्या अनुभूती : ‘छायाचित्र पाहून लगेच भावजागृती झाली.’ – श्री. आनंद जाखोटिया आणि कु. प्रियांका लोटलीकर

१ ई. चैतन्य जाणवणे

१. छायाचित्रामधून प्रक्षेपित होणारे चैतन्य श्वासावाटे आत घेत असल्याचे जाणवून त्यामुळे आनंददायी आणि शांत वाटणे : ‘छायाचित्रामधून प्रक्षेपित होणार्‍या चैतन्यामुळे प्रत्येक वेळी श्वास घेत असतांना ‘मी चैतन्य आत घेत आहे’, असे जाणवत होते. ही अनुभूती केवळ शुद्ध हवा आत घेण्यापेक्षा श्रेष्ठ असून त्यामुळे मला आनंददायी आणि शांत वाटत होते.’ – कु. क्रिस्टी ल्युंग (आताच्या सौ. राधा मल्लिक), व्हॅन्कुवर, कॅनडा.

२. ‘छायाचित्र पहातांना ‘ते परात्पर गुरु डॉक्टरांच्या चैतन्याशी साम्य दर्शवणारे आहे’, असे मला जाणवले.’ – कु. ज्योंजवेर, हंगेरी, युरोप.

१ उ. शांती जाणवणे

१. ‘छायाचित्राकडे पाहून शांती जाणवली.’ – कु. सायली गाडगीळ (आताच्या सौ. सायली करंदीकर)

२. ‘छायाचित्र पाहिल्यावरच मन निर्विचार झाले. छायाचित्र हातांत घेतल्यावर मनाच्या निर्विचार अवस्थेत वाढ होऊन ते शांत झाले. त्यानंतर मनाची शांत अवस्था ३० मिनिटे टिकून होती.’ – अधिवक्ता योगेश जलतारे

१ ऊ. छायाचित्रातील व्यक्तीच्या डोळ्यांकडे पाहून आलेल्या अनुभूती

१. ‘त्यांच्या डोळ्यांत वात्सल्यभाव जाणवला. ‘छायाचित्रातील व्यक्ती माझ्याकडे पाहून बोलत आहे’, असे जाणवले.’ – सौ. आरती म्हैसकर

२. प्रीती जाणवणे

अ. ‘छायाचित्रातील व्यक्तीच्या डोळ्यांमधून प्रीतीच्या धारा निघत असल्याचे जाणवले. छायाचित्राकडे पहिल्यांदाच पाहिले, तरी ‘त्यांच्याशी पुष्कळ जवळीक आहे’, असे वाटत होते.’ – कु. तृप्ती गावडे

आ. ‘छायाचित्राकडे पहात असतांना त्यांच्यात पुष्कळ प्रीती असून ‘ते मला प्रेमाने घट्ट मिठी मारत आहेत’, असे मला वाटले. तसेच ‘मी त्यांच्या प्रेमाने व्यापलो आहे’, असे जाणवले.’ – (सद्गुरु) सिरियाक वाले

इ. छायाचित्रातील व्यक्तीच्या साधनेचा प्रवास ‘ज्ञानोत्तर भक्ती’, असा असून डोळे शरणागतभावाने प्रार्थना करत असल्याचे जाणवणे : ‘छायाचित्रातील व्यक्तीच्या साधनेचा प्रवास ‘ज्ञानोत्तर भक्ती’ असा असावा’, असे वाटले. या व्यक्तीचे लक्ष संसारात राहूनही देवाकडे आहे, म्हणजे संसारात असूनही नसल्यासारखीच स्थिती असावी. ‘या व्यक्तीचे डोळे शरणागतभावाने देवाकडे प्रार्थना करत आहेत’, असे वाटले.’

– श्री. विनायक आगवेकर

ई. छायाचित्रातील व्यक्तीचे नेत्र सजीव जाणवणे : ‘छायाचित्रातील व्यक्तीमध्ये समष्टीच्या कल्याणाची प्रबळ धारणा असल्याने तिचे नेत्र ‘समष्टीचे कार्य आणि हिंदु राष्ट्र लवकरात लवकर स्थापन व्हावे’, यांसाठीची उत्कटता दर्शवणारे आहेत. त्यामुळे ते सजीव जाणवत आहेत.’ – कु. नीता अहिरे

१ ए. संतत्वाची प्रचीती येणे

१. ‘हे कुणीतरी संत आहेत’, असे जाणवले.’ – कु. सायली गाडगीळ (आताच्या सौ. सायली करंदीकर), कु. अर्चना मुळीक, कु. तृप्ती गावडे आणि एक साधिका

२. ‘छायाचित्राकडे पाहून ते संत असून त्यांची आध्यात्मिक पातळी ७५ टक्क्यांहून अधिक असल्याचे जाणवले.’ – कु. प्रियांका लोटलीकर [‘प्रत्यक्षात त्यांची पातळी ८१ टक्के आहे.’ – डॉ. आठवले (१०.४.२०१३)]

३. ऋषीतुल्य व्यक्ती वाटणे : ‘ही व्यक्ती ऋषीतुल्य, प्रेमळ, ज्ञानमार्गी आणि भक्तीमार्गी वाटली.’ – श्री. प्रकाश मराठे

१ ऐ. व्यक्तीची निर्गुणाकडे आणि मोक्षाकडे वाटचाल होत असल्याचे जाणवणे

१. ‘ती व्यक्ती भावावस्थेत असून ती शून्याकडे वाटचाल करत आहे’, असे जाणवले.’ – श्री. सौरभ सप्रे

२. ‘त्या व्यक्तीचा प्रवास वेगाने निर्गुणाकडे होत असल्याचे जाणवले.’ – श्री. दादासाहेब घाडगे, कु. भक्ती पारकर (आताच्या सौ. भक्ती महाजन), कु. सुदेष्णा पिंपळे, श्री. विकास भगत आणि श्री. भरत मिरजे (खंड ३) (क्रमशः)

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक