वहात्या पाण्यात श्री गणेशमूर्ती विसर्जनास मज्जाव केल्याने पुण्यात अनेक ठिकाणी भाविकांना श्री गणेशमूर्ती संकलन केंद्रात देणे, तसेच फिरत्या हौदात विसर्जन करणे भाग पडले !

श्री गणेशमूर्ती विसर्जनाच्या नियोजनाचा पुणे महापालिकेचा बोजवारा ! – संपादक 

पुणे, २० सप्टेंबर – पुणे शहर, उपनगर आणि ग्रामीण भागांत श्री गणेशमूर्ती विसर्जनासाठी महापालिकेच्या नियोजनाचा फज्जा उडाल्याचे दिसून आले. कोरोनाच्या नियमांचे उल्लंघन करून ठिकठिकाणी विसर्जन केंद्रांवर तुडुंब गर्दी दिसून आली. अधिकाधिक भाविकांचा वहात्या पाण्यात विसर्जन करण्याकडे कल दिसून येत होता; मात्र वहात्या पाण्यात श्री गणेशमूर्ती विसर्जनास मज्जाव केल्याने पुण्यात अनेक ठिकाणी भाविकांना श्री गणेशमूर्ती संकलन केंद्रात देणे भाग पडले. कुणालाही शहरात श्री गणेशमूर्ती विसर्जनासाठी अनुमती दिलेली नसल्यामुळे सार्वजनिक गणेशोत्सव मंडळांच्या श्री गणेशमूर्तींचे फिरत्या हौदात विसर्जन झाले, तर घरगुती श्री गणेशमूर्तीच्या विसर्जनासाठीही फिरते हौद, मूर्ती संकलन केंद्र, तसेच महापालिकेच्या वतीने अमोनियम बायकार्बोनेटचे वाटप करण्यात आले. (फिरते हौद, मूर्ती संकलन केंद्र, तसेच अमोनियम बायकार्बोनेट यांसारख्या अशास्त्रीय गोष्टींवर लाखो रुपयांचा व्यय करण्यापेक्षा महापालिकेने कोरोनाचे नियम पाळून वहात्या पाण्यात श्री गणेशमूर्ती विसर्जनास अनुमती दिली असती, तर श्री गणेशाची होणारी विटंबना रोखता आली असती. – संपादक)