प्रत्येक घरात परवानाधारक शस्त्रे ठेवावीत ! – मध्यप्रदेशातील मंत्री उषा ठाकुर यांचे आवाहन

भोपाळ (मध्य प्रदेश) – सद्य:स्थितीतील वाढते धोके पहाता प्रत्येक घरात परवानाधारक शस्त्रे आणि अस्त्रे ठेवली पाहिजेत, असे विधान मध्यप्रदेश राज्याच्या मंत्री उषा ठाकुर यांनी केले आहे. त्या येथे एका कार्यक्रमात बोलत होत्या. ‘मुलांना संस्कार देण्यासाठी आणि कुटुंबाला उत्तम आरोग्य देण्यासाठी आध्यात्मिक शिक्षण अन् नियमित पूजा-हवन केलेच पाहिजे’, असा सल्लाही त्यांनी दिला.

मध्य प्रदेश की संस्कृति मंत्री का बयान: हर घर में रखें लाइसेंसी अस्त्र-शस्त्र और शास्त्र, पूरे विश्व का हो भगवाकरण तभी आएगी सुख-शांतिhttps://t.co/Ef5DU1WQVU

— Jansatta (@Jansatta) September 8, 2021

उषा ठाकुर पुढे म्हणाल्या की, भगवा रंग हा शांतीचे प्रतीक आहे. त्यामुळे जर संपूर्ण जग भगवे झाले, तर सगळीकडे आनंदाचे आणि शांततेचे वातावरण असेल.