कुडाळ शहरातील सर्व गणेशघाटांची स्वच्छता करा ! – राकेश कांदे, शहराध्यक्ष, भाजप
अशी मागणी नगरपंचायतीकडे का करावी लागते ? शहर स्वच्छ आणि सुव्यवस्थित ठेवण्याचे कर्तव्य नगरपंचायत प्रशासन विसरले का ? – संपादक
कुडाळ – श्री गणेशचतुर्थीच्या पार्श्वभूमीवर शहरातील सर्व गणेशघाटांची (श्री गणेशमूर्ती विसर्जन करण्याचे ठिकाण) स्वच्छता करा, अशी मागणी कुडाळ नगरपंचायतीच्या मुख्याधिकार्‍यांकडे केली असल्याचे भाजपचे शहराध्यक्ष राकेश कांदे यांनी प्रसिद्धीस दिलेल्या पत्रकात म्हटले आहे.
या पत्रकात म्हटले आहे की, शहरातील सर्व गणेशघाटांची स्वच्छता करण्यासह सर्व पथदीप सुस्थितीत ठेवण्यात यावेत. शहरातील प्रभागनिहाय सार्वजनिक ठिकाणे, मंदिरे, मशीद, प्रार्थनास्थळे यांचा परिसर, तसेच शहरातील महालक्ष्मी हॉल ते गवळदेव या मुख्य रस्त्याच्या दोन्ही बाजूंनी स्वच्छता करण्यात यावी.