(म्हणे) ‘काश्मीरला इस्लामच्या शत्रूंपासून मुक्त करा !’ – अल् कायदाचे तालिबानला आवाहन
|
अल्लाच्या साहाय्यामुळेच विजय !
असे किती हिंदू एखाद्या गोष्टीत विजय मिळाल्यावर म्हणतात ? काही हिंदूंनी अशा प्रकारे देवाप्रती कृतज्ञता व्यक्त केली, तर धर्मनिरपेक्ष भारतात तीही धर्मांधता ठरते, हे लक्षात घ्या ! – संपादक
काबुल (अफगाणिस्तान) – अफगाणिस्तानमधून अमेरिकेचे सैन्य पूर्णपणे माघारी गेल्यानंतर जिहादी आतंकवादी संघटना अल् कायदाने तालिबानला शुभेच्छा दिल्या आहेत. तसेच काश्मीरसहित अन्य इस्लामी भूमी इस्लामच्या शत्रूंपासून मुक्त करण्याचे आवाहन केले आहे.
Terror group Al-Qaeda congratulates the Taliban, calls for Kashmir’s “liberation”#ITVideo #Afghanistan #AfghanistanCrisis #TalibanTakeover pic.twitter.com/v0wqSbj4Dr
— IndiaToday (@IndiaToday) September 1, 2021
तालिबानने दिलेल्या संदेशाच्या शीर्षकात म्हटले आहे, ‘अफगाणिस्तानमधील इस्लामी समाजाला अल्लाने दिलेल्या स्वातंत्र्यासाठी शुभेच्छा !’ पुढे लिहिले आहे, ‘हे अल्ला, सोमालिया, येमेन, काश्मीर आणि जगातील अन्य इस्लामी भूमी इस्लामच्या शत्रूंपासून मुक्त कर. जगभरातील मुसलमान बंदीवानांना मुक्त कर. सर्वशक्तीमान अल्लाने अमेरिकाला अपमानित केले आणि पराजित केले. सर्व घटनांमुळे सिद्ध होते की, केवळ जिहाद (धर्मयुद्ध) करूनच विजय प्राप्त होतो. अल्लाच्या साहाय्याने मिळालेला हा विजय मुसलमानांना पाश्‍चात्त्यांच्या गुलामगिरीपासून वाचण्याचा मार्ग दाखवील.