ठाणे येथे दहीहंडी उत्सव साजरा करण्यावर मनसेने आंदोलन केल्याप्रकरणी १७ जणांना अटक !

ठाणे, ३० ऑगस्ट (वार्ता.) – दहीहंडी उत्सव साजरा करण्याच्या अनुषंगाने नौपाडा येथील भगवती मैदानावर मनसेने अनुमती नसतांनाही व्यासपीठ बांधण्यास प्रारंभ केला. पोलिसांनी काम थांबवण्याचे आदेश दिल्यावर मनसैनिकांनी आंदोलन केले. पोलीस उपायुक्त अविनाश अंबुरे यांनी मनसेचे पालघर आणि ठाणे जिल्हाध्यक्ष अविनाश जाधव यांना घटनास्थळी जाऊन समजवण्याचा प्रयत्न केला; पण मनसैनिकांनी घोषणा दिल्यावर पोलिसांनी अविनाश जाधव यांना कह्यात घेतले. जाधव यांच्यासह १७ जणांना पोलिसांनी अटक केली. ५ घंट्यांनंतर त्यांची जामिनावर मुक्तता करण्यात आली.