अभाविपच्या हर घर तिरंगा, घर घर तिरंगा अभियानास नागरिकांचा उत्स्फूर्त प्रतिसाद !

सांगली, १७ ऑगस्ट – अखिल भारतीय विद्यार्थी परिषदेच्या वतीने सांगली जिल्ह्यात आयोजित हर घर तिरंगा, घर घर तिरंगा अभियानास नागरिकांचा उत्स्फूर्त प्रतिसाद मिळाला. या अभियानाच्या निमित्ताने सांगली जिल्ह्यामधील विविध गावे, खेडी, वस्ती यांमधील सार्वजनिक ठिकाणी आणि घरोघरी ध्वजारोहण, भारतमाता पूजन, तिरंगा फेरी, घराघरांवर तिरंगा, असे उपक्रम घेण्यात आले. हे अभियान जिल्ह्यातील १ सहस्र २०० स्थानांवर साजरे करण्यात आले.

यासमवेत राष्ट्रीय कला मंचच्या माध्यमातून आभासी कार्यक्रमांचे आयोजन केले होते. यात चित्रकला आणि रांगोळी काढणार्‍या कलाकारांसाठी रंगमाला, वाचन, कथा सादरीकरण यांसाठी शब्दगंध, नृत्य, गायन सादरीकरण, असे कार्यक्रम घेण्यात आले.