सातारा येथील बोगद्यामध्ये माथेफिरूकडून पादचार्यांना मारहाण !
सातारा, ११ ऑगस्ट (वार्ता.) – शहरातील जकातवाडी, परळीला जाणार्या बोगदा परिसरामध्ये सकाळी फिरायला जाणार्या-येणार्यांना लोखंडी गजाने मारहाण करत दहशत माजवली. माथेफिरूने ४ नागरिकांना मारहाण केल्याची माहिती मिळताच तालुका पोलीस घटनास्थळी आले. त्यांनी विजय गोळे या माथेफिरूला कह्यात घेतले आहे. कुरणेश्वर परिसरात सकाळी शहरातील नागरिक फिरायला जात असतात. पोलिसांनी चौकशी केली असता नागरिकांना अडवून माथेफिरू मारत होता, असे प्रत्यक्षदर्शींनी सांगितले.