सांडवली (जिल्हा सातारा) गावाचे पुनर्वसन करण्याचा निर्णय !

सातारा, १० ऑगस्ट (वार्ता.) – अतीवृष्टीमुळे सातारा तालुक्यातील सांडवली येथे डोंगरकडा अथवा दरड कोसळण्यासारखी स्थिती निर्माण झाली आहे. माळीण किंवा आंबेघर यांसारखी दुर्घटना सांडवली येथे घडू शकते. त्यामुळे सांडवली गावाचे पुनर्वसन जवळच्या पठारावर करण्याचा निर्णय जिल्हाधिकारी शेखर सिंह यांनी घेतला असून त्यासाठी पुढील कार्यवाही जलद गतीने चालू करण्याचे संकेत त्यांनी दिले आहेत.

पहाणी दौर्‍यामध्ये भाजपचे आमदार शिवेंद्रसिंहराजे भोसले, प्रांताधिकारी मीनाज मुल्ला, तहसीलदार आशा होळकर आणि इतर प्रशासकीय अधिकारी उपस्थित होते.