पाकमधील श्री गणपति मंदिरावरील आक्रमणाच्या निषेधाचा ठराव ‘खैबर पख्तुनख्वा प्रांतीय विधानसभे’मध्ये संमत

केवळ असे ठराव करणे पुरेसे नाही, तर हिंदूंचे आणि त्यांच्या धार्मिक स्थळांचे संरक्षण करणे अधिक महत्त्वाचे आहे ! – संपादक

ठराव करून तेथील लोकप्रतिनिधी जगाला असेच भासवण्याचा प्रयत्न करत आहेत की, आम्ही मंदिरांवरील आक्रमणांच्या विरोधात आहोत; मात्र प्रत्यक्षात ते हिंदूंच्या रक्षणासाठी काहीही करत नाहीत, ही वस्तूस्थिती आहे ! – संपादक

खैबर पख्तुनख्वा विधानसभा (प्रातिनिधिक छायाचित्र)

पेशावर (पाकिस्तान) – पाकच्या पंजाब प्रांतातील भोंग शहरात झालेल्या श्री गणपति मंदिरावरील आक्रमणाचा खैबर पख्तुनख्वा प्रांतीय विधानसभेमध्ये निषेध करण्यात आला. निषेधाचा ठराव विधानसभेत एकमताने संमत करण्यात आला. हा ठराव विधानसभेतील अल्पसंख्यांक सदस्य रवि कुमार यांनी मांडला होता. या समवेतच खैबर पख्तुनख्वामध्ये ‘अल्पसंख्यांक व्यवहार आयोग’ स्थापन करण्याचा ठरावही संमत करण्यात आला. हा ठराव मानवी हक्क आणि संसदीय कामकाजमंत्री शौकत युसफझाई यांनी मांडला होता. याआधी पाकिस्तानच्या संसदेनेही ठराव मांडत मंदिरावरील आक्रमणाचा निषेध केला होता.

Menu