पुणे-सोलापूर महामार्गावर पोलिसांच्या वेशातील चोरांनी ४ प्रवाशांकडील १ कोटी १२ लाख रुपये लुटले !

चोरांना पोलिसांचे भय न राहिल्याचे उदाहरण ! – संपादक 

पाटस (पुणे), ५ ऑगस्ट –  पुणे-सोलापूर महामार्गावर पाटस येथे ३ ऑगस्टच्या मध्यरात्री पोलीस वेशातील ४ चोरांनी एका एस्.टी.ला थांबवून ४ प्रवाशांकडील अनुमाने १ कोटी १२ लाख रुपयांची रक्कम लुटली. प्रवासी हितेंद्र जाधव यांनी पाटस पोलीस ठाण्यात तक्रार दिली आहे. पोलीस वेशात असणार्‍या ४ चोरांनी बसमध्ये प्रवेश करत तक्रारदार आणि त्यांच्या प्रवासी साथीदारांना ‘तुम्ही दोन नंबरचा व्यवसाय करत आहात’, असे म्हणत दमदाटी करत बसमधून खाली उतरवले. बस जाताच प्रवाशांना काठीने मारहाण आणि दमदाटी करत त्यांच्याकडील पैसे घेऊन ते दुचाकीवरून निघून गेले.