निवडणुकीत पैसे वाटल्याच्या प्रकरणी तेलंगण राष्ट्र समितीच्या महिला खासदाराला ६ मासांच्या कारावासाची शिक्षा !

देशातील पहिलीच घटना !

भाग्यनगर – वर्ष २०१९ मध्ये झालेल्या लोकसभेच्या निवडणुकीत पैसे वाटल्याच्या प्रकरणी तेलंगाणातील महबूबाबादच्या विद्यमान खासदार तथा राज्यातील सत्ताधारी तेलंगाणा राष्ट्रीय समिती पक्षाच्या नेत्या मलोत कविता यांना नामपल्लीमधील विशेष सत्र न्यायालयाने १० सहस्र रुपये दंढ आणि ६ मासांच्या कारावासाची शिक्षा सुनावली.

Telangana: In a first, TRS MP Maloth Kavitha convicted for bribing voters during 2019 General Elections | https://t.co/rRponYRf02 pic.twitter.com/r1DPg8KAf9

— Economic Times (@EconomicTimes) July 25, 2021

विशेष सत्र न्यायालयाच्या या निकालाला मलोत कविता उच्च न्यायालयात आव्हान देऊ शकतात, असे बोलले जात आहे. एका विद्यमान महिला खासदाराला अशी शिक्षा होण्याची ही देशातील पहिलीच घटना आहे.

एका मतासाठी दिले जात होते ५०० रुपये !

वर्ष २०१९ मध्ये महसुल विभागाच्या अधिकार्‍यांनी मलोत कविता यांचा सहकारी शौकत अली याला पैसे वाटतांना रंगेहात पकडले होते. शौकत अली बर्गमपहाड परिसरातील मतदारांना एका मतासाठी ५०० रुपये वाटत होता. यानंतर पोलिसांनी शौकत अली आणि मलोत कविता यांच्याविरुद्ध गुन्हा नोंदवला. चौकशीच्या वेळी शौकत अली याने आरोप मान्य करत कविता यांच्या सांगण्यावरुन पैसे वाटल्याची स्वीकृती दिली.