सदैव मनास लागो तुझ्या चरणांची आस ।

रामनाथी, गोवा येथील सनातनच्या आश्रमात सेवा करणारी उच्च स्वर्गलोकातून पृथ्वीवर जन्माला आलेली आणि ५७ टक्के आध्यात्मिक पातळी असलेली कु. वेदिका दहातोंडे हिचा ९ मे २०२१ या दिवशी वाढदिवस झाला. ‘वाढदिवसानिमित्त साधनेसाठी कोणते उद्दिष्ट ठरवू ?’, या विचारात असतांना तिला सुचलेले काव्य पुढे दिले आहे.

करण्या गेले संकल्प वाढदिवसाचा ।
मज अल्प मतीला शब्द सुचेना ।।
जाते देवास शरण ।
तूच दिशा दे मज नाथा ।। १ ।।

स्मितहास्य करूनिया देव तो ।
मजकडे पाही करुणामय दृष्टीने ।।
दृष्टी हटेना त्या सुंदर मुखावरची ।
आणखी काय राहिले मिळवण्याचे ।। २ ।।

सर्व दिले आहे त्या परम दयाळू गुरुमाऊलीने ।
न दिले, ऐसे काही न राहिले ।।
प्रार्थिते त्या माऊलीचरणी ।
मायेत नको अडकवूस या मनासी ।। ३ ।।

साधकांमध्ये माऊली, तुझे रूप पहाण्यास अल्प पडते ।
तरी सावरून घेशी, कृपा तुझी अखंड मस्तकी असते ।।
जाणीव याची क्षणोक्षणी रहावी मजला ।
तूच शिकव मज माऊली, भावानंदात डुंबण्या ।। ४ ।।

तुझे शब्द तुला अर्पण करते देवा ।
पुरा करूनी घे हा संकल्प तूच ।।
कृतज्ञ राहीन दिशादर्शन करण्याविषयी ।
सदैव मनास लागो तुझ्या चरणांची आस ।। ५ ।।

परात्पर गुरु डॉक्टरांच्या चरणी कोटीशः कृतज्ञता !’

– कु. वेदिका अशोक दहातोंडे (वय १४ वर्षे), सनातन आश्रम, रामनाथी, गोवा. (९.५.२०२१)