अल्पसंख्यांक मिजो समुदायातील सर्वाधिक मुले असणार्‍या पालकांना १ लाख रुपये प्रोत्साहन म्हणून देणार !
मिझोराम राज्याच्या क्रीडामंत्र्यांकडून त्यांच्या मतदारसंघासाठी घोषणा !
उद्या हिंदूंसाठीही अशी घोषणा करावी लागल्यास आश्‍चर्य वाटू नये ! सध्या देशातील ८ राज्यांत हिंदू अल्पसंख्यांक झालेलेच आहेत, हे लक्षात घ्या !
ऐझॉल (मिझोराम) – राज्यातील मिझो समाजातील लोकांची संख्या अल्प आहे. त्यात वाढ होण्यासाठी या समाजाचे आणि राज्याचे क्रीडामंत्री रॉबर्ट रोमाविया रोयते यांनी त्यांच्या मतदारसंघातील मिजो समाजातील अधिक मुले असणार्‍या दांपत्यांना १ लाख रुपये रोख रक्कम प्रोत्साहन म्हणून देण्याची घोषणा केली आहे; मात्र त्यांनी कमीत कमी किती मुले असणे आवश्यक आहे, हे सांगितलेले नाही. २० जून या दिवशी ‘फादर्स डे’ होता.
A #Mizoram minister has announced a cash reward of Rs 1 lakh to any family with the highest number of children under his constituency.
(@hemantakrnath)https://t.co/EW73dg002X— IndiaToday (@IndiaToday) June 22, 2021
त्या पार्श्‍वभूमीवर त्यांनी ही घोषणा केली. रोख रक्कमेचा खर्च रोयते यांच्या मुलाचे बांधकाम आस्थापन करणार आहे. वर्ष २०११ च्या जनगणनेनुसार मिझोरामची लोकसंख्या १ कोटी ९१ सहस्र इतकी आहे. येथे प्रति वर्ग किलोमीटर ५२ व्यक्ती रहातात. राष्ट्रीय स्तरावर ही संख्या ३८२ इतकी आहे.