सात्त्विक आहार घेण्याचे नियम का पाळावेत ?

‘नरजन्माचे सार्थक’ हीच आहारशास्त्राच्या नियमांची खरी ध्येयप्राप्ती !

‘सत्त्वगुणी आहारातून प्रकृती जोपासणे, प्रकृतीतून मनाचे सत्त्वगुणाच्या साहाय्याने उत्थापन करणे, त्यानंतर बुद्धीला स्पर्श करून तिच्यातील प्रज्ञेला जागृती देऊन पुढे अहंला नियंत्रणात ठेवणे आणि नंतर चित्तावरील संस्कारांचे उच्चाटन करून नरजन्माचे सार्थक करून घेणे, हीच आहारशास्त्रविषयी नियमांची खरी ध्येयप्राप्ती आहे.’

– सूक्ष्म-जगतातील ‘एक विद्वान’ (श्रीचित्‌शक्‍ति (सौ.) अंजली गाडगीळ यांच्या माध्यमातून)

तूप वाढलेले अन्न सात्त्विक होय !

अन्नावर वाढलेले तूप अन्नशुद्धी करते, तसेच शरिराला स्नेह (स्निग्धता) आणि सात्त्विकता प्रदान करते. वरण-भातावर ‘अन्नशुद्धी’ या नावाने तूप वाढण्याची पद्धत आहे. तूप हे अन्नशुद्धीकारक असल्याने ते खाल्ल्यावर अन्नातीलच नव्हे, तर अन्न पोटात गेल्यावर तेथीलही बाधाकारक गोष्टींचा नाश करते.