भटकळ (कर्नाटक) येथे ६ वर्षांपासून अवैधरित्या रहाणार्‍या पाकिस्तानी महिलेला अटक !
आधारकार्ड, पॅनकार्ड, शिधापत्रिका आदी कागदपत्रे आढळली !
|
भटकळ (कर्नाटक) – येथे ६ वर्षांपासून अवैधरित्या रहाणार्‍या पाकिस्तानी महिलेला कर्नाटक पोलिसांनी अटक केली. खतिजा मेहरीन (वय ३३ वर्षे) असे या महिलेचे नाव असून तिच्याकडे भारताचे आधारकार्ड, पॅनकार्ड, शिधापत्रिका, जन्मदाखला आदी महत्त्वाची शासकीय कागदपत्रेही आढळून आली. तिला न्यायालयीन कोठडीत पाठवण्यात आले आहे, अशी माहिती पोलिसांनी दिली.
Karnataka | A Pakistani citizen Khatija Mehrin arrested (9th June) by police. She was living illegally from 2015 in Navayata colony with Bhatkal origin husband and 3 children. She also has birth certificate, Aadhar card, ration card registered in Bhatkal: Bhatkal Police
— ANI (@ANI) June 10, 2021
खतिजा हिचा विवाह भटकळ येथील रहिवासी असलेला मोईद्दिन रुक्कुद्दिन याच्याशी वर्ष २०१४ मध्ये दुबई येथे झाला. त्यानंतर ती ३ मासांच्या टुरिस्ट (पर्यटक) व्हिसावर भारतात आली आणि त्यानंतर वर्ष २०१५ पासून भटकळ येथे अवैधरित्या राहू लागली. तिला ३ अपत्येही आहेत. या कालावधीत तिने बनावट कागदपत्रांच्या आधारे वरील कागदपत्रे सिद्ध करून घेतली.