भारतात डिसेंबर २०२१ पर्यंत लसीकरण पूर्ण करणार ! – केंद्रशासन
मुंबई – भारतात डिसेंबर २०२१ पर्यंत कोरोनावरील लसीकरण पूर्ण होईल, असा विश्वास आय.सी.एम्.आर्.ने मुंबई उच्च न्यायालयात व्यक्त केला आहे. जुलै मासापासून देशात प्रतीमहा ‘कोवॅक्सिन’च्या साडेपाच कोटी, तर ‘कोविशिल्ड’च्या २ कोटी लसी उपलब्ध होतील, अशी माहितीही केंद्रशासनाच्या वतीने देण्यात आली.
If vaccine drives can be held in housing societies, why not at homes for senior citizens? #BombayHighCourt https://t.co/8te7vhYKHz#CoronavirusPandemic #COVID19
— India TV (@indiatvnews) June 2, 2021
देशातील प्रत्येक नागरिकाला लसीचा किमान पहिला डोस कधीपर्यंत उपलब्ध होईल, अशी माहिती न्यायालयाने विचारली असता केंद्रशासनाने वरील उत्तर दिले. केंद्रशासनला यासंदर्भात ८ जूनपर्यंत सविस्तर भूमिका मांडण्याचे निर्देश न्यायालयाने दिले आहेत. मुंबई महापालिकेने जे घरात अंथरुणाला खिळून आहेत, त्यांच्या घरी जाऊन त्यांचे लसीकरण करावे, अशी सूचना केली.