कोरोनामुळे अनाथ झालेल्या बालकांचे पालकत्व राज्यशासन उचलणार !
मुंबई – कोरोनामुळे आई-वडिलांचे छत्र हरपून अनाथ झालेल्या बालकांच्या नावावर एकरकमी ५ लाख रुपयांची मुदत ठेव ठेवण्याचा, तसेच बालक सक्षम होईपर्यंत त्याचा बालसंगोपन योजनेतून व्यय उचलण्याचा महत्त्वपूर्ण निर्णय २ जून या दिवशी मंत्रीमंडळाच्या बैठकीत घेण्यात आला.
The Maharashtra govt on Wednesday announced that fixed deposits of Rs five lakh will be made in the name of orphaned children who have lost at least one parent to #COVID19. They will also get a monthly allowance of Rs 1,125.https://t.co/zknjMZDj8T
— Economic Times (@EconomicTimes) June 2, 2021
दोन्ही पालकांचा १ मार्च २०२० या दिवशी किंवा त्यानंतर कोरोनाच्या संसर्गामुळे मृत्यू झाला असल्यास, एका पालकांचा कोरोनामुळे अन् दुसर्‍या पालकांचा अन्य कारणामुळे मृत्यू झाला असल्यास किंवा एका पालकाचा १ मार्च २०२० पूर्वी मृत्यू झाला असल्यास अन् अन्य पालकांचा त्यानंतर कोरोनामुळे मृत्यू झाला असल्यास अशा ० ते १८ वर्षे वयोगटातील मुलांचा या योजनेत समावेश होऊ शकेल. केंद्रशासनाच्या ‘पी.एम्. केअर’ योजनेतून ही योजना राबवण्यात येणार आहे, तसेच महाराष्ट्र शासनाकडूनही ही योजना राबवण्यात येणार आहे. वयाची २१ वर्षे पूर्ण झाल्यानंतर ५ लाख रुपयांची ठेव मुलांना व्याजासह मिळेल. बालकांचे संगोपन करण्यास नातेवाईक पुढे आल्यास त्यांना महिला आणि बालविकास विभगाच्या योजनेतून अनुदान देण्यात येईल.