(म्हणे) ‘रामदेवबाबा यांनी क्षमायाचना न केल्यास त्यांच्याविरुद्ध १ सहस्र कोटी रुपयांचा दावा प्रविष्ट करणार !’ – आय.एम्.ए.च्या उत्तराखंड शाखेची चेतावणी
अ‍ॅलोपॅथीवर टीका केल्याचे प्रकरण
|
नवी देहली – अ‍ॅलोपॅथीविषयी केलेल्या वक्तव्यावरून भारतीय वैद्यकीय संघटनेच्या (इंडियन मेडिकल असोसिएशनच्या) उत्तराखंड येथील शाखेने योगऋषी रामदेवबाबा यांना येत्या १५ दिवसांत क्षमायाचना न केल्यास त्यांच्याविरुद्ध १ सहस्र कोटी रुपयांचा दावा प्रविष्ट करण्याची चेतावणी दिली आहे. योगऋषी रामदेवबाबा यांनी ‘अ‍ॅलोपॅथी हे मूर्ख आणि दिवाळखोर शास्त्र असल्याचे विधान केले होते.
IMA Uttarakhand demands Baba Ramdev’s apology or face ‘Rs 1000 cr defamation suit’ https://t.co/fAI7dEiSBj
— Republic (@republic) May 26, 2021
यासह ‘रामदेवबाबा यांनी ७२ घंट्यांच्या आत त्यांच्या पंतजलि आस्थापनाच्या कोरोनिल किटचे दिशाभूल करणारे विज्ञापनही सर्व ठिकाणांहून मागे घ्यावे’, अशीही मागणी भारतीय वैद्यकीय संघटनेने (एम्.आय.ए.ने) केली आहे. पतंजलिकडून कोरोनिल हे औषध कोरोना लसीकरणानंतर होणार्‍या ‘साईड इफेक्ट्स’वर प्रभावी असल्याचा दावा करण्यात आल्याचे सांगण्यात येत आहे.