देहलीहून गुजरातकडे जाणार्‍या गाडीत सापडले हवाला रॅकेटचे कोट्यवधी रुपये !
देशभरात हवाला रॅकेट चालवले जाते, हे जगजाहीर आहे; मात्र त्यातील क्वचित् एखाद्या घटनेत अशा प्रकारे पैसे सापडतात, तर अन्य व्यवहार कसे होत असतील, याची जनतेला कल्पना असेलच !
डुंगरपूर (राजस्थान) – येथील पोलिसांनी देहलीतून गुजरातकडे जाणार्‍या एका चारचाकीला अडवून तिची तपासणी केली असता त्यात कोट्यवधी रुपये सापडले आहेत. या प्रकरणी पोलिसांनी दोघांना अटक केली आहे. गाडीतील नोटा मोजण्याचे काम दिवसभर चालू होते. यासाठी नोटा मोजणारे यंत्र आणण्यात आले होते. साडेचार कोटी रुपये असल्याचे लक्षात आले आहे. हे कोट्यवधी रुपये देहली गुजरातला हवालाच्या मार्गे नेण्यात होते, अशी माहिती आता समोर येत आहे.