बंगालमध्ये निवडणुकीनंतरच्या हिंसेत ११ जण ठार !

हिंसेमागे तृणमूल काँग्रेसच्या कार्यकर्त्यांचा हात असल्याचा भाजपचा आरोप !

कोलकाता – बंगालमधील विधानसभा निवडणुकीचा निकाल घोषित होताच राज्यात हिंसाचार चालू झाला आहे. यात आतापर्यंत ११ जणांचा मृत्यू झाल्याचे वृत्त आहे. ‘दैनिक जागरण’ने दिलेल्या वृत्तानुसार भाजपचे ९, तृणमूल काँग्रेसचा १ कार्यकर्ता, तर अन्य एक अशा ११ जणांचा यात मृत्यू झाला आहे. कोलकाता येथील उल्टाडांगामध्ये भाजपच्या कार्यकर्त्याला अमानुष मारहाण करून ठार करण्यात आले, असे वृत्त आहे. निकाल लागल्यापासून बंगालच्या दक्षिण २३ परगणा, नदीया, वर्धमान आणि उत्तर २४ परगणा या जिल्ह्यांत हिंसाचाराच्या घटना घडल्या आहेत. बंगालचे भाजप प्रदेशाध्यक्ष दिलीप घोष यांनी आरोप केला की, पक्षाच्या १०० हून अधिक कार्यालयांची आणि कार्यकर्त्यांच्या घरांची तोडफोड करण्यात आली. काहींना आग लावण्यात आली. केंद्रीय गृह मंत्रालयाने बंगालमधील हिंसाचारावरून अहवाल मागितला आहे, तर पंतप्रधान नरेंद्र मोदी यांनी राज्यपाल जगदीप धनखड यांना दूरभाष करून चिंता व्यक्त केली. धनखड यांनी राज्याचे पोलीस महासंचालक आणि कोलकात्याचे पोलीस आयुक्त यांना स्थिती नियंत्रणात आणण्याविषयी आदेश दिला आहे.

ममता बॅनर्जी यांचा पराभव झालेल्या नंदीग्राममध्ये भाजपच्या कार्यालयावर आक्रमण करण्यात आले, तसेच दुकानांचीही नासधूस करण्यात आली. काही ठिकाणी जाळपोळ करण्यात आली असून पोलीस घटनास्थळी आल्यानंतर हिंसाचार करणारे पसार झाले, असा आरोप भाजपने केला आहे. या संपूर्ण हिंसाचारामागे तृणमूल काँग्रेसच्या कार्यकर्त्यांचा हात असल्याचा आरोपही भाजपने केला आहे, तर तृणमूल काँग्रेसने या हिंसाचारासाठी भाजपला उत्तरदायी ठरवले आहे.

11 killed as BJP, Left accuse TMC of post-poll violence in West Bengal; Centre seeks report#BengalViolence https://t.co/XD2dZzcO3Y

— Jagran English (@JagranEnglish) May 4, 2021

भाजपकडून त्याच्या महिला पोलिंग एजंटवर सामूहिक बलात्कार झाल्याचा आरोप

या हिंसाचारात भाजपने त्याच्या २ महिला पोलिंग एजंटवर सामूहिक बलात्कार करण्यात आल्याचा आरोप केला आहे.

ममता बॅनर्जी अराजकता पसरवत आहेत ! – सीताराम येचुरी यांचीही टीका

माकपचे ज्येष्ठ नेते सीताराम येचुरी यांनी म्हटले की, ज्या प्रकारे तृणमूल काँग्रेस तिच्या विजयाचा आनंद साजरा करत आहे, तो निषेधार्ह आहे. अशा हिंसेचा प्रतिकार केला जाईल. ती स्वीकारता येणार नाही. कोरोना महामारीचा सामना करण्यापेक्षा ममता बॅनर्जी अराजकता पसरवत आहेत.

जे.एन्.यू.च्या विद्यार्थी संघटनेच्या महिला अध्यक्षाकडूनही विरोध

जे.एन्.यू. विश्‍वविद्यालयाच्या विद्यार्थी संघटनेच्या महिला अध्यक्षा आयशी घोष यांनीही तृणमूल काँग्रेसवर हिंसाचाराचा आरोप केला आहे. तृणमूलने लोकांनी दिलेल्या बहुमताचा आदर राखला पाहिजे. हे बहुमत त्यांना काम करण्यासाठी दिले आहे, हिंसाचारासाठी नाही. ममता बॅनर्जी यांचे कार्यकर्ते विरोधी पक्षांच्या कार्यकर्त्यांच्या घरांवर आक्रमणे करत आहेत, हे सहन करता येणार नाही.

तृणमूलच्या लोकप्रतिनिधींनाही देहलीत यावे लागते, हे लक्षात ठेवा ! – भाजपच्या खासदाराची चेतावणी

नवी देहली – बंगालच्या विधानसभेची निवडणूक जिंकल्यानंतर तृणमूल काँग्रेसच्या गुंडांनी आमच्या कार्यकर्त्यांचे जीव घेतले. त्यांच्या गाड्यांची तोडफोड केली. लक्षात ठेवा तृणमूलच्या खासदार, मुख्यमंत्री आणि आमदार यांनाही देहलीमध्ये यावे लागते. याला चेतावणी समजा. निवडणुकीमध्ये पराभव आणि विजय होत असतात, हत्या होत नाहीत, अशी चेतावणी देणारे ट्वीट देहलीतील भाजपचे खासदार परवेश साहिबसिंह वर्मा यांनी दिली आहे.

TMC के गुंडो ने चुनाव जीतते ही हमारे कार्यकर्ताओं को जान से मारा, भाजपा कार्यकर्ताओं की गाड़ियाँ तोड़ी, घर में आग लगा रहें है। याद रखना TMC के सांसद , मुख्यमंत्री , विधायको को दिल्ली में भी आना होगा, इसको चेतावनी समझ लेना। चुनाव में हार जीत होती है, मर्डर नहीं।@MamataOfficial

— Parvesh Sahib Singh (@p_sahibsingh) May 3, 2021