सांगली जिल्हा परिषद अध्यक्षांनी त्यांच्या मुलासाठी जिल्हा परिषद शाळेत प्रवेश घेऊन घालून दिला नवा आदर्श !
सांगली – सांगली जिल्हा परिषद अध्यक्षा सौ. प्राजक्ता कोरे यांनी त्यांच्या मुलासाठी जिल्हा परिषदेच्या शाळेत प्रवेश घेऊन नवा आदर्श निर्माण केला आहे. जिल्हा परिषद शाळा विजयनगर येथे त्यांनी गुढीपाडव्याच्या मुहूर्तावर चि. शौर्य नंदकुमार कोरे याचे नाव पहिल्या वर्गासाठी नोंदवले. ‘मातृभाषेतून शिक्षण घ्या’, असे सांगणारे अनेक जण असतात; परंतु स्वतः त्यासंदर्भातील कृती करून सौ. कोरे कौतुकास पात्र ठरलेल्या आहेत. जिल्हा परिषदेच्या शाळांमध्ये भौतिक सुविधा, गुणवत्ता आणि दर्जा सुधारण्यासाठी सौ. कोरे प्रयत्नशील आहेत.