हिंदु जनजागृती समितीचे कार्य अत्यंत प्रशंसनीय ! – श्री स्वामी बालकानंदजी महाराज

हरिद्वार, ४ एप्रिल (वार्ता.) – हिंदु जनजागृती समितीचे कार्य मी जवळून पाहिले असून हिंदूंमध्ये धर्माविषयी जागृती निर्माण करण्याचे कार्य अत्यंत प्रशंसनीय आहे, असे गौरवोद्गार श्री स्वामी बालकानंदजी महाराज यांनी येथे काढले. हिंदु जनजागृती समितीच्या वतीने हरिद्वार येथील कुंभमेळ्यामध्ये ‘हिंदु राष्ट्र संपर्क अभियान’ राबवले जात आहे. या वेळी ते मार्गदर्शन करत होते. हिंदु जनजागृती समितीचे महाराष्ट्र आणि छत्तीसगड समन्वयक श्री. सुनील घनवट, मध्यप्रदेश आणि राजस्थानचे समन्वयक श्री. आनंद जाखोटिया यांनी त्यांची भेट घेऊन त्यांना समितीच्या कार्याविषयी माहिती दिली. तसेच समितीच्या वतीने कुंभमेळ्यात लावण्यात आलेल्या धर्मजागृती प्रदर्शनाला भेट देण्याचे निमंत्रण दिले. या प्रसंगी श्री स्वामी बालकानंदजी महाराज यांनी या प्रदर्शनाला आवर्जून भेट देणार असल्याचे सांगितले.