शासकीय शिमगोत्सव मार्गदर्शक तत्त्वांचे पालन करून लहान प्रमाणात साजरा करावा ! – मायकल लोबो, बंदर कप्तान मंत्री
पणजी, २७ मार्च (वार्ता.) – शासकीय शिमगोत्सव मार्गदर्शक तत्त्वे आणि नियम यांचे काटेकोरपणे पालन करून लहान प्रमाणात साजरा करावा. याविषयी मी मुख्यमंत्र्यांकडे बोलणार आहे, असे मत बंदर कप्तान मंत्री मायकल लोबो यांनी व्यक्त केले आहे. राज्यात कोरोनाचा संसर्ग वाढल्याने शासनाने राज्यस्तरावरील शिमगोत्सव मिरवणूक रहित केली आहे. या पार्श्‍वभूमीवर मंत्री लोबो यांनी ही मागणी केली आहे. शिमगोत्सव मिरवणूक रहित झाल्याने युवावर्ग नाराज झालेला आहे, असे ते पुढे म्हणाले.