जयसिंगपूर (जिल्हा कोल्हापूर) येथील एका रुग्णालयात बॉम्बसदृश वस्तू ठेवल्याचे भासवून खोडसाळपणा ! – जयसिंगपूर पोलीस
जयसिंगपूर (जिल्हा कोल्हापूर) – जयसिंगपूर येथील एका रुग्णालयात बॉम्बसदृश वस्तू ठेवल्याचे भासवून कुणीतरी खोडसाळपणा केला आहे. कोल्हापूर बॉम्बशोधक पथकाने याविषयी सखोल पहाणी केल्यावर यात ठेवलेल्या वस्तूंमध्ये प्लास्टिकचे छोटे पाईप गुंडाळून ठेवलेले आढळले. यात कोणतीही स्फोटके मिळालेली नाहीत. खोडसाळपणे ज्याने ही बॉम्बसदृश संशयित वस्तू ठेवून लोकांमध्ये गैरसमज आणि भीती पसरविण्याचा प्रयत्न केला, त्या संबंधित व्यक्तीचा पोलीस शोध घेत आहेत. तरी नागरिकांनी कोणत्याही प्रकारच्या अफवांवर विश्‍वास ठेवू नये, असे आवाहन पोलीस प्रशासन यांच्या वतीने करण्यात आले आहे.