आमच्या गुरुमाऊलीचा जन्मोत्सव सोहळा ।
त्रैलोक्याचे नाथ बसले सिंहासनी ।
ब्रह्मांंडातील सारे जीव झाले हर्षभरित ॥ १ ॥
भक्तवत्सल, करुणाकर अन् सुंदर मनमोहनाचे रूप ।
पाने आणि फुले आनंदली त्यांच्या चरणी जाण्यास ॥ २ ॥
साधकांच्या मनी दाटला भाव, भक्ती अन् आनंद ।
श्रीमन्नारायणाचे रूप साठविले नयनांत ॥ ३ ॥
सडा अन् रांगोळी यांनी सजले ब्रह्मांंड ।
देवता आणि ऋषिमुनी झाले हर्षभरित ॥ ४ ॥
फुलांची करांजली करून सज्ज झाल्या देवता ।
अन् त्यांनी श्रीमन्नायणाच्या चरणी वाहिली फुले ॥ ५ ॥
साधकांनी भरली ओंजळीत भाव, भक्ती, तळमळ,
शरणागत अन् कृतज्ञता भाव यांची फुले ।
अन् वाहिली श्रीविष्णुरूपी गुरुमाऊलींच्या चरणी ॥ ६ ॥
श्रीमन्नारायणाच्या चैतन्याने न्हाऊन निघाले ब्रह्मांंड ।
मनी अखंड धावा होता, गुरुमाऊलींनी घ्यावे चरणांशी ॥ ७ ॥
गुरुमाऊलींचे रूप सुंदर साठविलेे हृदयात ।
सोहळा अनुभवता भावाश्रू वाहिले ॥ ८ ॥
श्रीमन्नारायणांच्या चरणांशी ।
कोटीशः कृतज्ञ आहेत सारे जीव ॥ ९ ॥
– श्रीमती उषा बडगुजर, जळगाव (७.५.२०१८)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |