भारतीय वंशांच्या लोकांनी अमेरिकेमध्ये वर्चस्व निर्माण केले आहे ! – राष्ट्राध्यक्ष जो बायडेन

वॉशिंग्टन (अमेरिका) – अमेरिकेचे राष्ट्राध्यक्ष जो बायडेन यांच्या प्रशासनामध्ये आतापर्यंत भारतीय वंशाच्या ५५ जणांची नेमणूक करण्यात आली आहे. नासाच्या शास्त्रज्ञांसमवेत बोलतांना बायडेन म्हणाले की, भारतीय वंशांच्या लोकांनी अमेरिकेत वर्चस्व निर्माण केले आहे. डॉ. स्वाती मोहन, उपराष्ट्राध्यक्षा कमला हॅरिस, माझे भाषण लिहिणारे विय रेड्डी सर्वांनी वर्चस्व निर्माण केले आहे. तुम्ही अत्युच्च आहात. डॉ. स्वाती मोहन यांनी नासाच्या मंगळावरती रोव्हर उतरवण्याच्या योजनेमध्ये महत्त्वाची भूमिका बजावली आहे.