शेतकर्यांच्या प्रश्नावर सलग तिसर्या दिवशी विधीमंडळाच्या इमारतीच्या पायर्यांवर विरोधकांचे आंदोलन
मुंबई, ४ मार्च (वार्ता.) – पिकांच्या हानीभरपाईची रक्कम मिळणे, शेतकर्यांना पीकविम्यांचे पैसे देणे, कर्जमाफी आदी विविध विषयांवर ३ मार्च या दिवशी विधीमंडळाच्या इमारतीच्या पायर्यांवर विरोधकांनी आंदोलन केले. या आंदोलनात विधानसभेचे विरोधी पक्षनेते देवेंद्र फडणवीस, विधान परिषदेचे विरोधी पक्षनेते प्रवीण दरेकर, भाजपचे प्रदेशाध्यक्ष चंद्रकांत पाटील यांसह अन्य आमदार सहभागी झाले होते. या वेळी विविध मागण्यांचे फलक दाखवून शासनाच्या निषेधाच्या घोषणा देण्यात आल्या. विधीमंडळाच्या अर्थसंकल्पीय अधिवेशनाच्या सलग तिसर्या दिवशी विरोधकांनी हे आंदोलन केले.