संभाजीनगर येथे विनामास्क फिरणार्‍यांवर कारवाई करणारे पथक आणि माजी आमदार यांच्यात हाणामारी
संभाजीनगर – मास्कविना फिरणार्‍यांवर कारवाईसाठी नियुक्त करण्यात आलेले नागरी मित्र पथक आणि माजी आमदार किशनचंद तनवाणी, माजी नगरसेवक सुरेंद्र कुलकर्णी यांच्यात १ मार्च या दिवशी वाद निर्माण होऊन वादाचे रूपांतर हाणामारीत झाले. या प्रकरणी दोघांना अटक करण्यात आली असून त्यातील एक जण पसार झालेला आहे. येथील गुलमंडी परिसरात तक्रारदार देवीदास सुसर हे त्यांचे नागरिक मित्र पथकासह विनामास्क फिरणार्‍यांवर कारवाई करत होते. या वेळी किशनचंद तनवाणी, सुरेंद्र कुलकर्णी आणि आतिष जोजरे यांनी सुसर यांना कारवाई करण्यास विरोध केला. या वेळी त्यांच्यात वाद निर्माण होऊन आरोपींनी सुसर आणि त्यांचे सहकारी यांना मारहाण केली.