मुंबई येथे २ अमली पदार्थ तस्करांना एन्.सी.बी.कडून अटक
मुंबई – नार्कोटिक्स कंट्रोल ब्युरोने(एन्.सी.बी) येथील जोगेश्‍वरी परिसरातून इब्राहिम मुजावर उपाख्य इब्राहिम कासकर आणि आसिफ राजकोटवाला या २ अमली पदार्थ तस्करांना ७ फेब्रुवारी या दिवशी अटक केली आहे. एन्.सी.बी.ने या आरोपींकडून चारचाकीही हस्तगत केली आहे.
#Mumbai: NCB arrests two persons for possession of drugshttps://t.co/UIfrUukmr8
— Free Press Journal (@fpjindia) February 7, 2021
काही दिवसांपूर्वी एन्.सी.बी.ने आरिफ भुजवाला आणि चिंकू पठाण या २ अमली पदार्थ तस्करांना अटक केली होती. कुख्यात डॉन दाऊद इब्राहिम याचे मुंबईत अमली पदार्थांचे रॅकेट चालवणारे हे २ हस्तक म्हणून ओळखले जात होते. आरिफ भुजवाला याच्याकडून मिळालेल्या माहितीनंतर मुंबईतील वेगवेगळ्या परिसरामध्ये एन्.सी.बी.ने धाडसत्र चालू केले आहे. त्यामध्ये मुजावर याचे नाव समोर आले होते.