इंदूर (मध्यप्रदेश) येथे प्रार्थनासभेच्या नावाखाली हिंदूंचे धर्मांतर करण्याचा प्रयत्न करणार्‍या ९ ख्रिस्ती मिशनर्‍यांना अटक
|
इंदूर (मध्यप्रदेश) – येथील भंवरकुआं भागात गरीब हिंदूंचे ख्रिस्ती मिशनर्‍यांकडून प्रार्थनासभेच्या नावाखाली धर्मांतर होणार असल्याची माहिती हिंदुत्वनिष्ठ संघटनांना मिळाली. या माहितीवरून हिंदुत्वनिष्ठ संघटनांच्या कार्यर्त्यांनी पोलिसांकडे तक्रार केल्यावर प्रार्थनासभेच्या आयोजकासमवेत ११ जणांवर गुन्हा नोंदवून ९ जणांना अटक करण्यात आली.
(जी माहिती हिंदुत्वनिष्ठ संघटनांना मिळते, ती पोलिसांना का मिळत नाही ? पोलीस झोपा काढत असतात का ? – संपादक) ‘सत्यप्रकाश संस्थे’कडून ही प्रार्थना सभा आयोजित करण्यात आली होती. या वेळी मोठ्या संख्येने गावातील महिला आणि मुले उपस्थित होते. ‘या प्रार्थनासभेसाठी अनुमती घेण्यात आली नव्हती’, असे पोलिसांनी सांगितले.