रामाचे नाव गळ्यात गळा घालून घ्यायला हवे, गळा दाबून नाही ! – तृणमूलच्या खासदार नुसरत जहाँ
नुसरत जहाँ यांनी हाच सल्ला ममता बॅनर्जी यांना दिला पाहिजे ! या देशात रहाणार्‍यांनी ‘जय श्रीराम’ म्हणण्यासह जे म्हणत आहेत, त्यांना साथ दिली पाहिजे; मात्र ममता बॅनर्जी ना ‘जय श्रीराम’ म्हणत आहेत, ना अन्य कुणी म्हटले, तर ते त्या स्वीकरत आहेत. उलट कुणी ते म्हटल्यास त्यांच्यावर गुन्हे नोंदवून त्यांना कारागृहात टाकत आहेत ! यामुळे ‘ममता बॅनर्जी हिंदू आहेत का ?’ असा प्रश्‍न कुणाच्या मनात पडला, तर आश्‍चर्य वाटू नये !
कोलकाता (बंगाल) – ‘रामाचे नाव गळ्यात गळा घालून घ्यायला हवे, गळा दाबून नाही’, असे ट्वीट तृणमूल काँग्रेसच्या खासदार आणि अभिनेत्री नुसरत जहाँ यांनी केले आहे. कोलकाता येथे २३ जानेवारी या दिवशी पंतप्रधान मोदी यांच्या उपस्थितीत नेताजी सुभाषचंद्र बोस यांच्या १२५ व्या जयंतीदिनी आयोजित कार्यक्रमात बंगालच्या मुख्यमंत्री ममता बॅनर्जी भाषणासाठी उठल्यानंतर ‘जय श्रीराम’ आणि भारतमाता की जय’ अशी घोषणाबाजी करण्यात आली. यामुळे संतप्त झालेल्या ममता बॅनर्जी यांनी भाषण करण्यास नकार दिला होता. या घटनेवर नुसरत जहाँ यांनी वरील ट्वीट करत प्रतिक्रिया व्यक्त केली आहे.