संभाजीनगर येथे बनावट मतदान करण्यासाठी आलेले तिघे जण पोलिसांच्या कह्यात

संभाजीनगर – १५ जानेवारी या दिवशी वाळूज औद्योगिक परिसराला लागून असणार्‍या पंढरपूर येथील ग्रामपंचायत निवडणुकीत मयत व्यक्तीच्या नावे एक जण आणि २ महिला बनावट मतदान करण्यासाठी आल्या. त्यांना पोलिसांनी कह्यात घेतले. मयत भास्कर जयाजी ढोले (वय ६२ वर्षे) यांच्या नावाने त्यांच्याच वयाची एक व्यक्ती बनावट मतदान करण्यासाठी आली होती. त्यांच्याकडे बनावट मतदान ओळखपत्र होते. त्या वेळी उमेदवार कुणाल खराटे, उमेदवार महिलेचा मुलगा प्रवीण चंदन यांच्यासह बूथवरील अधिकार्‍यांना हे लक्षात आले.