काँग्रेसचे नेते प्रतापसिंह राणे आणि त्यांच्या पत्नी कोरोनाबाधित
पणजी – आरोग्यमंत्री विश्वजीत राणे यांचे वडील तथा पर्ये मतदारसंघाचे काँग्रेसचे आमदार प्रतापसिंह राणे आणि त्यांच्या पत्नी विजयादेवी राणे यांना कोरोनाचा संसर्ग झाला आहे. त्या दोघांनाही गोवा वैद्यकीय महाविद्यालयात भरती करण्यात आले आहे आणि तेथे महाविद्यालयाचे डीन डॉ. शिवानंद बांदेकर यांच्या मार्गदर्शनाखाली त्यांच्यावर उपचार चालू आहेत.