अयोध्येतील श्रीराम मंदिर उभारणीस सर्व समाजाने हातभार लावावा ! – प.पू. सुंदरगिरी महाराज
‘श्रीराम जन्मभूमी तीर्थक्षेत्र न्यासा’च्या वतीने अयोध्येत होणार्‍या श्रीराम मंदिराच्या निधी संकलनासाठी कराड (सातारा) येथे मध्यवर्ती कार्यालयाचे उद्घाटन
सातारा, २६ डिसेंबर (वार्ता.) – अयोध्येत श्रीराम मंदिराची होत असलेली उभारणी सर्व देशवासियांसाठी अभिमानाची गोष्ट आहे. देशवासियांकडून मंदिर उभारणीस सढळ हाताने साहाय्य केले जात आहे. त्यामुळेच श्रीमंतासोबत गोरगरिबांचा निधी महत्त्वाचा आहे. श्रीराम मंदिराच्या उभारणीसाठी गोरगरिबांपर्यंत पोचून जास्तीत जास्त निधी मिळण्यासाठी प्रयत्न करावेत. तसेच अयोध्येतील श्रीराम मंदिर उभारणीस सर्व समाजानेही यथाशक्ती हातभार लावावा, असे आवाहन पुसेगाव (सातारा) येथील सेवागिरी संस्थानचे मठाधिपती प.पू. सुंदरगिरी महाराज यांनी केले.