बाहेरील बेकरीत बनवलेली आणि आश्रमातील बेकरीत बनवलेली बिस्किटे यांच्या संदर्भात केलेल्या प्रयोगांमध्ये सहभागी साधकांना जाणवलेली सूत्रे

आधुनिक आहाराच्या दुष्परिणामांपासून वाचण्यासाठी घरी बनवलेले भारतीय अन्नपदार्थांचे सेवन करा !

‘सध्या आधुनिक जगामध्ये आहाराविषयी धर्मशास्त्राने सांगितलेले नियम न पाळल्याने जेवढे तोटे होतात, त्यापेक्षा अधिक तोटे आधुनिक आहारपद्धत स्वीकारल्यामुळे होत आहेत. घरी गृहिणींच्या हातचे भोजन किंवा अल्पाहार (नाश्ता) घेण्यापासून आपण दूर जात आहोत.  पाव-केक, बिस्किटे, ‘सॉस’ अन् ‘जॅम’ आले आहेत. कृत्रिम शीतपेये असोत; पिझ्झा, बर्गर यांसारखे ‘फास्ट फूड’ असो किंवा ‘कुरकुरे’सारखे ‘जंक फूड’ असो, (जंक म्हणजे टाकाऊ) त्यांचे अनेक दुष्परिणाम सध्याच्या पिढीवर दिसून येतात. त्यामध्ये लठ्ठपणा, पचनसंस्थेचे आणि श्‍वसनसंस्थेचे विकार यांसारख्या अनेक शारीरिक अडचणींना समोरे जावे लागते. असे पदार्थ सेवन करण्याचा सर्वांत मोठा तोटा, म्हणजे त्रासदायक शक्ती आकर्षित करणारे हे तमोगुणी पदार्थ सातत्याने सेवन करणारी व्यक्ती वाईट शक्तींच्या त्रासाला बळी पडते. आधुनिक आहाराचे शारीरिक दुष्परिणाम केवळ या जन्मापुरतेच भोगावे लागतात; परंतु त्यांमुळे होऊ शकणारा अनिष्ट शक्तींचा त्रास मात्र जन्मोजन्मी पाठ सोडत नाही.

सर्वांनी घरी बनवलेले भारतीय अन्नपदार्थ खावेत. ते ताजे, पचण्यास हलके आणि पौष्टिक असतात. त्यामुळे अन्नातील नैसर्गिक तत्त्वे आणि जीवनसत्त्वे नष्ट होणार नाहीत, तसेच हे पदार्थ खाल्ल्याने मानसिक स्वास्थ्यसुद्धा चांगले रहाण्यास साहाय्य होते.’

(याविषयीची शास्त्रीय कारणमीमांसा स्पष्ट होण्यासाठी सनातन निर्मित ‘आधुनिक आहाराचे तोटे’ या ग्रंथात दिली आहेत.)

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक