साहित्य संस्थांच्या अनुदानाला कोरोनाचा विळखा !
पुणे – राज्यातील साहित्य संस्थांच्या अनुदानावर कोरोनाचा प्रभाव पडला असून शासनाच्या वतीने पहिल्या टप्प्यामध्ये १० लाख रुपयांपैकी केवळ १ लाख रुपयांच्या अनुदान रकमेचे वितरण ७ संस्थांना करण्यात आले आहे. यामध्ये अखिल भारतीय मराठी साहित्य महामंडळ, महाराष्ट्र साहित्य परिषद, मुंबई मराठी साहित्य संघ, मराठवाडा साहित्य परिषद, विदर्भ साहित्य संघ यांसह कोकण मराठी साहित्य परिषद आणि कोल्हापूर येथील दक्षिण महाराष्ट्र साहित्य परिषद या साहित्य संस्थांचा समावेश आहे. कोरोनाच्या प्रादुर्भावामुळे सारे ठप्प असतांना अनुदानाच्या तुटपुंज्या रकमेवर साहित्य संस्था कशा चालवायच्या ?, असा प्रश्‍न संस्थाचालकांनी उपस्थित केला आहे.