विधीमंडळाच्या हिवाळी अधिवेशनाचा कालावधी वाढवण्यासाठी प्रयत्न करणार ! – नाना पटोले, अध्यक्ष, विधानसभा
मुंबई – किती दिवस कोरोना-कोरोना करत रहायचे ? त्यावर काहीतरी मार्ग काढायला हवा. कोरोनाच्या पार्श्‍वभूमीवर अधिवेशनाकरिता नियमावली सिद्ध करण्यात येत आहे. ज्या आमदारांना अधिवेशनाला प्रत्यक्ष उपस्थित रहाता येणार नाही, ते ‘व्हिडिओ कॉन्फरन्स’द्वारे जोडू शकतात. केवळ २ दिवसांचे अधिवेशन असणे, हे लोकशाहीसाठी पोषक नाही.
त्यामुळे विधीमंडळाच्या हिवाळी अधिवेशनाचा कालावधी वाढवण्यासाठी मी प्रयत्न करत आहे, असे वक्तव्य विधानसभेचे अध्यक्ष नाना पटोले यांनी एका वृत्तप्रतिनिधीला दिलेल्या मुलाखतीमध्ये केले.